Capital Insight

Онцлох ишлэл

"Монгол улсын хувьд цахилгаан тээврийн хэрэгслээ дэмжиж, хэрэглээг ихэсгэх бодлого баримтлах нь урт хугацаандаа
Монгол улсад улсад ашигтай байна."

-Х. Гүлнур
Ти Ди Би Секьюритис ҮЦК
Брокер

Онцлох шинжилгээ

МУ-ын хэмжээнд 2022 оны 5-р сарын байдлаар бүртгэлтэй 452 цахилгаан тээврийн хэрэгсэл байдаг болохыг Авто тээврийн үндэсний төвөөс мэдээллээ. ЭКО буюу 100% цахилгаан хөдөлгүүртэй машины улсын дугаарыг манайд ногоон өнгөөр ялгасан байдаг. Харин уул уурхайн салбарт одоогийн байдлаар цахилгаан тээврийн хэрэгслийн хэрэглээ ховор байна. Ирээдүйд ашиглалт нэмэгдэх нь тодорхой боловч дэлхийн зах зээлд аль хэдийнээ цахилгаан тээврийн хэрэгслийг хэрэгцээ өндөр болжээ.

Хувьцааны зах зээл

*Зах зээлийн тоо мэдээ Баасан гарагийн хаалтын ханшаар болно.

МОНГОЛ УЛСЫН ЗАХ ЗЭЭЛ: Монголбанк Мөнгөний бодлогын хорооны ээлжит хурлаар бодлогын хүүг өсгөснөөр Монгол улсын хувьцаанууд 7 хоногт бууралттай байлаа. Тодруулбал, Монголын Хөрөнгийн Биржийн (МХБ) ТОП-20 индекс 34,251.88 нэгжид хүрч, 3.49%-ийн бууралттай хаагдлаа.

АНУ-ЫН ЗАХ ЗЭЭЛ: Холбооны Нөөцийн Сан (ХНС) бодлогын хүүгээ өсгөсөнтэй холбоотойгоор АНУ-ын хувьцаанууд 7 хоногт бууралттай байлаа. "S&P 500" индекс 4.65%, "Dow Jones Industrial Average" индекс 4.00%, технологийн "NASDAQ Composite" индекс 5.07% тус тус 7 хоногт бууралттай хаагдлаа. "Dow Jones Industrial Average" индекс 29,590.41 нэгж дээр хаагдсан нь 2020 оны сүүл үеэс хойших хамгийн доод цэгтээ очоод байна.

ЕВРОПЫН ЗАХ ЗЭЭЛ: Төв банкнууд бодлогын хүүгээ өсгөж байгаа нь эдийн засгийн өсөлтийн удаашрал удаан үргэлжилж болзошгүй гэх хүлээлтийг үүсгэж улмаар Европын хувьцаанууд 7 хоногт бууралттай байлаа. "STOXX Europe 600" индекс 4.37%, "France’s CAC 40" индекс 4.84%, "Italy’s FTSE MIB" индекс 4.72%, "Germany’s DAX" индекс 3.59%, "UK’s FTSE 100" индекс 3.01% тус тус уналттай хаагдлаа.

ЯПОН УЛСЫН ЗАХ ЗЭЭЛ: Япон улсын хувьцааны зах зээл 7 хоногт уналттай байлаа. "Nikkei 225" индекс 2.6%, "TOPIX' индекс 1.37% тус тус бууралттай хаагдсан.

БНХАУ-ЫН ЗАХ ЗЭЭЛ: Дэлхийн эдийн засгийн өсөлт удаашрах хүлээлт нь БНХАУ-ын хөрөнгө оруулагчдын шийдвэр гаргалтад 7 хоногт нөлөөлж, БНХАУ-ын хувьцааны зах зээл 7 хоногт уналттай байлаа. "Shanghai Composite" индекс 1.2%, "CSI 300" индекс 1.9%-иар тус тус бууралттай хаагдлаа.

Бондын зах зээл

*Зах зээлийн тоо мэдээ Баасан гарагийн хаалтын ханшаар болно.

МОНГОЛЫН ХӨРӨНГИЙН БИРЖ: Компанийн бондын хоёрдогч зах зээлийн арилжаанд нийт 1,536 ширхэг бондыг нийт 185.37 сая төгрөгөөр 7 хоногт арилжаалсан. төгрөгөөр 7 хоногт арилжаалсан.

ОЛОН УЛСЫН БОНДЫН ЗАХ ЗЭЭЛ: АНУ-ын Холбооны Нөөцийн Сан (ХНС) бодлогын хүүгээ 75 суурь нэгжээр өсгөсний дараагаар Засгийн Газрын Үнэт Цаасны (ЗГҮЦ) өгөөж өссөн. АНУ-ын 2 жилийн хугацаатай Засгийн Газрын Үнэт Цаасны (ЗГҮЦ) өгөөж 7 хоногт 4.1%-д хүрсэн нь 2007 оноос хойших хамгийн өндөр түвшин; 10 жилийн хугацаатай ЗГҮЦ-ны өгөөж 3.7%-д хүрсэн нь 2008 оноос хойших хамгийн өндөр түвшин тус тус боллоо. (Бондын үнэ болон өгөөж нь эсрэг чиглэлд хөдөлдөг.)

Эдийн засгийн мэдээ

Хувьцаат компанийн мэдээ